Հարգելի՛ ընթերցող նախքան տեսանյութը կարդացեք նաև․
Հանրային հեռուստաընկերության եթերում հարցազրույցի ժամանակ ՀՀ վարչապետ Նիկոլ Փաշինյանը, անդրադառնալով օրեր առաջ երկրորդ նախագահի առաջարկությանը, որ մեր առջև ծառացած ծանր
իրավիճակից դուրս գալու համար անհրաժեշտ է բանակցողի՝վարչապետի փոփոխություն, այսինքն՝ մասնակի իշխանափոխություն, հակադարձեց, որ այդպիսի կոչ անող նախագահը ինքն է 1998
թվականին Արցախը դուրս թողել բանակցությունից. «Իմ համոզմունքն է, որ եթե Լեռնային Ղարաբաղը դուրս չմնար բանակցություններից այն ժամանակ,նույնիսկ եթե Հայաստանը դուրս մնար, Արցախի հիմնախնդիրը հիմա լուծված կլիներ։ Իհարկե, բանակցողի դերը շատ կարևոր է»,-նշեց վարչապետը: Ըստ նրա՝ բանակցողի դերի կարևորությունը
երևացել է ոչ միայն 98 թվականին, այլ հատկապես 2007 թվականին, երբ նույն նախագահի կառավարությունը, ընդունելով Մադրիդյան սկզբունքները, զրոյացրին 1991 թվականի Արցախի հանրաքվեն և
1990 թվականի Հայաստանի անկախության հռչակագրի Արցախի հետ կապված դրույթները: Անդրադառնալով առաջին նախագահ Լևոն -Տեր Պետրոսյանի կարծիքին՝ վարչապետը նշեց, որ բանակցողի դերը կարևոր է այն առումով, որ բանակցողի գուրծունեության արդյունքում չունենանք այնպիսի հետևանք, որ հայտնի առածի՝ «Մի հիմար քարը փոսը գցեց, 10 խելոք չկարողացան բարձրացնել» արտահայտած միտքը կատարվի:
Տեսանյութը՝
